کشمیری مٹر پلاؤ

چاولوں کو دھو کر 15 منٹ تک پانی میں بھگو دیں۔ زعفران کو گرم دودھ میں گھول لیں۔

 ایک دیگچی میں 1 کھانے کا چمچ گھی ہلکی آنچ پر گرم کریں اور اس میں بادام، کشمش اور کاجو ڈال کر گولڈن براؤن ہونے تک بھونیں۔ انہیں ایک پلیٹ میں نکال دیں۔

اسی دیگچیمیں باقی گھی ڈالیں اور اس میں کڑی پتہ، لونگ، ہری الائچی، کالی مرچ،بادیان کے پھول،کالا زیرہ ا اور دار چینی ڈال کر 30 سیکنڈ کے لیے بھونیں۔

کٹی پیاز، تازہ مٹر، ہری مرچ، ادرک لہسن کا پیسٹ اور سونف ڈال کر ایک منٹ کے لیے بھونیں۔

بھیگے ہوئے چاول چھان کر شامل کریں۔ 2 منٹ تک بھونیں پھر 4 کپ پانی، تحلیل شدہ زعفران والا دودھ اور نمک ڈالیں۔ اچھی طرح مکس کریں اور درمیانی آنچ پر ابال لیں۔

جب ڈیگچی میں چاول کا پانی تقریباً ختم ہو جائے تو تلے ہوئے خشک میوہ جات ڈالیں اور اچھی طرح مکس کر لیں پھر آنچ کو کم کر دیں اور 8 سے 10 منٹ تک ڈھانپ کر(دم پر) رکھ دیں  یا  جب تک چاول پوری طرح پک نہ جائیں تب تک پکا لیں۔

کچھ دیر تک ڈھکن نہ کھولیں۔کچھ دیر کے بعد ڈھکن کھولیں اور چاولوں کو کانٹے سیہلکا سا پھیلا لیں۔ انار کے دانے اور تلی ہوئی پیاز سے گارنش کریں۔