گوشتبہ

تعارف:

یہ ایک بہت مشہور کشمیری پکوان ہے جو دہی کی گریوی میں پکائے گئے نرم کوفتوں پر مشتمل ہے۔

گوشتبہ کے اجزاء:

گوشتبہ بنانے کی ترکیب:

ایک بلینڈر میں قیمہ، نمک، ہری مرچ، ہرا دھنیا،کالی مرچ پاؤڈر، زیرہ پاؤڈر (1چائے کا چمچہ)، گرم مصالحہ پاؤڈر(آدھاچائے کا چمچ)، ادرک لہسن کا پیسٹ(1 کھانے کا چمچ) لے کر بلینڈ کر کے ہموار پیسٹ بنا لیں۔ چھوٹے کوفتے بنا کر ایک طرف رکھ دیں۔

ایک پین میں تیل گرم کریں اورکوفتے ڈال کر 5 منٹ تک تیز آنچ پر پکنے دیں۔ زیادہ نہ ہلائیں ورنہ کوفتے ٹوٹ جائیں گے۔ کوفتے کو پین سے نکال کر ایک طرف رکھ دیں۔

اسی تیل میں پیاز ڈال کر گولڈن براؤن ہونے تک بھونیں اوراسیپیس کر پیسٹ بنا لیں۔

اسی تیل میں ثابت گرم مصالحہ ڈالیں پھر ادرک لہسن کا پیسٹ ڈالیں اور باقی ماندہ تمام پاؤڈر مصالحے (زیرہ پاؤڈر، گرم مسالہ پاؤڈر، لال مرچ پاؤڈر)  کے ساتھ پیاز کا پیسٹ شامل کریں۔پھر پھینٹا ہوا دہی، نمک اور پھرکوفتے شامل کریں۔ 

کوفتوں کو گریوی میں ہلکی آنچ پر 25 منٹ تک پکنے دیں۔

آپ کا مزیدار لذیذ گوشتبہ تیار ہے۔ اسے دھنیا کے پتوں سے گارنش کریں اور نان یا زیرہ چاول کے ساتھ پیش کریں۔