علیم گروپ نے ترین گروپ کے گزشتہ روز کے فیصلے سے علیحدگی اختیار کر لی

ترجمان علیم خان کا اپنے بیان میں کہنا ہے کہ پنجاب کے کسی رکن اسمبلی کو وزیراعظم کے اجلاس میں جانے سے نہیں روکا، وزیراعظم کے اجلاس میں شرکت کرنے والے علیم خان سے اجازت لے کر جا رہے ہیں۔ ترجمان کا کہنا ہے کہ 40 ارکان پنجاب اسمبلی سے علیم خان کی ملاقات ہوئی وہ سب آج کے اجلاس میں جا رہے ہیں، آج کے اجلاس کے بعد باہم مشاورت سے اگلا لائحہ عمل طے کریں گے۔ یاد رہے کہ گزشتہ روز جہانگیر ترین گروپ نے آج وزیراعلیٰ ہاؤس میں ہونے والے پارلیمانی پارٹی کے اجلاس میں شرکت نہ کرنے کا فیصلہ کیا تھا۔ دوسری جانب آج لندن میں علیم خان اور جہانگیر ترین کی ملاقات بھی متوقع ہے جس میں ملکی سیاسی صورت حال اور تحریک عدم اعتماد پر بھی بات چیت کا امکان ہے۔