شعیب اختر نے قذافی اسٹیڈیم سے لی گئی اپنی آخری یاد شیئر کر دی

ٹوئٹر پر شعیب اختر نے قذافی اسٹیڈیم میں کھیلے گئے اپنے آخری ٹیسٹ میچ کی ایک ویڈیو شیئر کی جس میں انھیں اسٹیڈیم میں اپنے جوتوں سے متعلق گفتگو کرتے دیکھا جا سکتا ہے۔ ویڈیو میں شعیب اختر سابق آسٹریلین کرکٹر ڈین جونز کو بتا رہے ہیں کہ وہ جوتوں میں 3 موزے پہنتے ہیں جبکہ ان کے ہر جوتے کی قیمت 500 پاؤنڈ ہے۔ شعیب اختر نے ویڈیو کے ساتھ ایک ٹوئٹ بھی کی جس میں انھوں نے لکھا کہ میرے خیال میں یہ میرا قذافی اسٹیڈیم لاہور میں 2006 میں کھیلا جانے والا آخری میچ تھا۔