عمران خان نے ڈپٹی اسپیکر کی رولنگ کیخلاف عدالتی فیصلے پر نظرثانی اپیل دائر کردی

سابق وزیراعظم عمران خان ازخود نوٹس کیس میں عدالتی فیصلے پر سپریم کورٹ میں نظر ثانی اپیل دائر کی ہے۔ عمران خان کی جانب سے دائر اپیل میں استدعا کی گئی ہےکہ سپریم کورٹ نے 7 اپریل کو عدم اعتماد کی تحریک پر 9 اپریل کو ووٹنگ کرانےکا حکم دیا، عدالت کے 7 اپریل کے فیصلے میں کئی سقم ہیں جن پر نظر ثانی کی ضرورت ہے۔
عمران خان نے نظرثانی اپیل میں استدعا کی ہےکہ اسمبلی کی کارروائی کے دوران ڈپٹی اسپیکر نے آئین کے آرٹیکل5 پر عملدرآمد کیا، سربراہ حکومت کا ڈپٹی اسپیکرکےاقدامات سے کوئی تعلق نہیں ہوتا لہٰذا سپریم کورٹ کے 7 اپریل کے فیصلے پرنظرثانی کرتےہوئےکالعدم قراردیا جائے۔