پاکستان اور آئی ایم ایف کے درمیان پالیسی مذاکرات آج ہوں گے

ذرائع کا بتانا ہے کہ پاکستان اور آئی ایم ایف کے درمیان پالیسی مذاکرات آج دوحا میں ہوں گے جس میں وزیر خزانہ اور قائم مقام گورنر اسٹیٹ بینک بھی شریک ہوں گے۔ پاکستان پر توانائی کے شعبے میں سبسڈی ختم کرنے اور پالیسی ریٹ میں اضافے کے لیے دباؤ ہے جبکہ آئی ایم ایف کی جانب سے پاکستان کو خسارے میں چلنے والے ریاستی اداروں کی نجکاری کے لیے بھی کہا جائےگا۔ ذرائع کا بتانا ہے کہ پاکستان پر ریاستی ملکیت میں قائم ہونے والے 2 بجلی گھروں کو جلد فروخت کرنے کے لیے بھی دباؤہے۔ اکستان کو اگلے مالی سال کے لیے بجٹ ترجیحات سے بھی آئی ایم ایف کو آگاہ کرنا ہے۔ اکستان اور آئی ایم ایف کے درمیان پالیسی مذاکرات 25 مئی کو مکمل ہوں گے، کامیابی کی صورت میں مشترکہ اعلامیہ جاری ہو گا۔